O Munno d’ ‘e pparole

Eduardo de Filippo

Eduardo de Filippo

Si t’ ‘o ddico nun me cride
manco si pittass’ ‘o sole
pecché ‘o munno d’ ‘e pparole
mpara ll’arte d’ ‘o pparla’.
E tu saje ca st’arte è l’arte
ca se sceglie ‘o traditore
pecché l’ommo senza core
fa furtuna c’ ‘o pparla’.
Io, gnorsi’, pire so’ chillo
c’ha liggiuto e s’e’ applicato;
c’ ‘o mestiere s’ha ‘mparato,
e se serve d’ ‘o pparla’…
Se capisce ca parlanno,
nciucio, mbroglio… e faccio ‘ammore.
Ma però tengo nu core
e cu te, che vuò parla’!