abcd

Eduardo de Filippo

Eduardo de Filippo

Nu fugliett’ ‘e quaderno aggiu truvato
ncopp’ a nu marciapiede. Pe’ capi’
che steva scritto me l’aggiu piglaito.
Lettere grosse e storte: A… B… C… D…
Mille quaderne, mille guagliuncielle:
scriven’ eguale, ‘o stesso, a chell’eta’.
Però quanno se fanno grussicielle,
stu carattere eguale chi t’ ‘o da’?
Nun capisco, se guastano p’ ‘a via,
nun trovano cchiù pace… ma pecche’?
Stùriano pe’ cagna’ calligrafia
e ognuno scrive cumme vo’ pare’.
Ce hanno criato ‘ na manera sola,
chi cagne e’ pe’ superbia,
t’ho dich’j’…
‘E guaglinucielle, quanno vann’a scola,
scriveno tutte eguale: A… B… C… D…