A cuscienza

Antonio de Curtis (Totò)

Antonio de Curtis (Totò)

Tengo nu cane e caccia
bello assaje,
fedele sulo a me
comm’ a tutt’ ‘e cani.
ma nu difetto ‘o tene mberità
quann’ i auciello sparo,
me guarda cunfuso
e nun ‘o và piglià.
stu fatto è poco chiaro,
-ma sì o nun sì nu cane e caccia ?
ca ‘e sorde ca me cuoste
putisse pure tenè nu poco e cuscienza!-
“nu me fà ridere”
rispunnette ‘o cane,
ca pe nu momento
chi sà comme parlaje.
“tu me parli e cuscienza,
ma saje ‘o signifecato e sta parola?
già nun ‘o può sapè! tu l’aje perza
quanno aje accattato stu ribbotto.”